မေလ ၈ ရက်နေ့ ညနေတွင် နအဖ စစ်အုပ်စုက နာဂစ် မုန်တိုင်းဒဏ်မှ အသက်ရှင် ကျန်နေသူများအား ကယ်ဆယ်ရေး ပစ္စည်းများ ပေးပို့မည့် အမေရိကန် စစ်လေယာဉ်များအား ခွင့်ပြုလိုက်ကြောင်း ထိုင်းတပ်မတော်က ပြောကြားလိုက်သည်။
“အမေရိကန် လေယာဉ်တွေ ခွင့်ပြုဖို့ မြန်မာအစိုးရကို ကျနော်တို့ ပြောပေးလိုက်တာပါ၊ အခုပဲ သူတို့ သဘောတူလိုက်ပြီ” ဟု ထိုင်း စစ်သေနာပတိချုပ် Boonsrang Niumpradit က ပြောခဲ့သည်။ အမေရိကန် သံရုံးအရာရှိကလည်း ဤဆုံးဖြတ်ချက် ဟုတ်မှန်ကြောင်း အတည်ပြုခဲ့သည်။
နအဖ အရာရှိတဦး၏ ယနေ့ ပြောကြားချက်အရ နာဂစ် မုန်တိုင်းဒဏ်ကြောင့် ယခုထိ သေဆုံးသူ ပေါင်းမှာ ၈၀,၀၀၀ ကျော်ပြီဖြစ်ကြောင်း ရွာလုံးကျွတ် ပျောက်ကွယ်သွားမှုများမှာလည်း မနည်းလှကြောင်း ထုတ်ဖော် ၀န်ခံနေရပြီ ဖြစ်သည်။
နအဖ ခွင့်ပြုချက် မရရှိသေးသဖြင့် ရိက္ခာပစ္စည်းများ တင်ဆောင်ထားသည့် ကယ်ဆယ်ရေး လေယာဉ်များသည် ထိုင်း၊ ဘင်္ဂလားဒက်ရှ်၊ ဒူဘိုင်း နိုင်ငံများတွင် စောင့်ဆိုင်းနေကြရသည်။
Thursday, May 8, 2008
အမေရိကန် ကူညီရေး လေယာဉ်များ နအဖ ခွင့်ပြုလိုက်ပြီ
Subscribe to:
Post Comments (Atom)
0 ထင်မြင်ချက်:
Post a Comment